Op ner kölsche Foderkaat fingk mer allt ens `Krüssje Julasch, heiß un scharf´.
För e paar Johre heeß et noch e Krüssje wärm.

Wat Julasch ess, wesse mer, wat wärm ess och, ävver wat ess e Krüssje odder wie et fröher op ner kölschen Foderkaat stundt, e Krüssje wärm?

Dat ess Flöck-Foder, en klein Mohlzick ((Mahlzeit), e Häppche för nevvenbei, ne Imbiss.
He ess dat ne Imbiss us jebrode Fleischstöckelcher met Zaus (Soße), en die mer Brutbröckelcher odder Röggelche (Roggenbrötchen) zoppe (tunken) kann. Dobei e Jläsje Kölsch: en Tillekatess!