Nonnefützjer ess ne nuxije kölsche Usdruck för e Jebäck, wat en Fett jebacke weed, su jroß wie Baumnöss sin un besonders jän en der Fastelovendszick jejesse wäde. Well mer dat Woot jenau üvversetze, muss mer em Italienische aanfange: Do ess nonna de Jroßmutter, op Kölsch Bestemo. Zick dem fünfte/sechste Johrhundert weed dä Name vun der Kirch för en Klusterfrau, för en Nonn (Nonne), jebruch. Fützjer sin klein Windcher, ne Futz dojäje ess nit ze üvverhöre. "Die/dä läuf för jede Futz, dä quer steit, nohm Dockter."