Scherzhaff usjedöck sin Nonnefützjer klein Deichküjelcher, die en der Fastelovendszick besonders jän jejesse wäde. Well mer dat Woot jenau üvversetze, dann ess en Nonn, italienisch nonna (Großmutter), em Kölsche de Bestemo (Oma). Zick dem fünfte/sechste Johrhundert weed dä Name vun der Kirch för en Klusterfrau, för en Nonn (Nonne) jebruch. Av däm sechszehnte Johrhundert dann en de Kölsch Sproch üvvernomme. Jetz Fützjer. Fützjer sin klei Windcher; ne Futz (Bauchwinde), dojäje ess nit ze üvverhöre. "Die/dä läuf för jede Futz dä quer steit nohm Dockter."